پی ٹی سی ایل اور یو فون کا پاکستان کی کنکٹیویٹی صلاحیت بڑھانے کے لئےedotco سے تعاون


کراچی (این این آئی) پاکستان ٹیلی کمیونیکیشنز کمپنی لمیٹڈ (پی ٹی سی ایل) اور اس کے ذیلی ادارے ، پاکستان ٹیلی کام موبائل لمیٹڈ،( یوفون) نے edotco گروپ کے ساتھ مفاہمت کی یادداشت (MoU) پر دستخط کئے ہیں۔edotco ایک اینڈ ٹو اینڈ انٹیگریٹڈ ٹیلی کمیونیکیشن انفرااسٹرکچر سروس کمپنی ہے ، جو اپنے مقامی آپریشنز edotco پاکستان پرائیویٹ لمیٹڈ، (edotco PK)کے ذریعے ملکی رابطوں کی صلاحیتوں کو بڑھائے گا۔یہ تعاون ٹیلی کمیونیکشن انفرا اسٹرکچر کی ترقی کے لیے کام کرنے والے اداروں میں مزیدتعاون کے مواقع پیدا کرے گی ۔ اس میں آپریشن اور توانائی کا موثر انتظام، نہ صرف فائبرائزیشن
بلکہ جدید اسٹرکچراورپیشکش بھی شامل ہیں۔ یہ ملک میں صارفین کی 3G سے 4G پر منتقلی اور اس سے بھی آگے جانے کے لیے ڈیٹا کی بڑھتی ہوئی طلب اورضرورت کے معیار کو پورا کرے گا۔اس موقع پر مقیم الحق،گروپ چیف اسٹریٹجی آفیسر ،پی ٹی سی ایل اور یوفون، نے کہا:’’ہم اس شراکت داری کو تمام حصہ داروں کے لئے ایک اسٹریٹجک کوشش کے طور پر دیکھتے ہیں اور ہماری یہ صنعت کی بہتری کے لیے ایک قدم ہے۔ edotcoکے انڈسٹری میں عملی تجربہ اور پورے ریجن میں موجودگی کے ساتھ ساتھ پی ٹی سی ایل اور یوفون کے انفرااسٹرکچر کا استعمال کرتے ہوئے، مجھے یقین ہے کہ ہمارے صارفین اس سے مستفید ہو سکیں گے اور ڈیجیٹل مواقعوں کی جانب راہ ہموار کر سکیں گے ۔‘‘اس موقع پر عارف حسین ،کنٹری منیجنگ ڈائریکٹر ، edotcoپاکستان، نے کہا :’’ ایک کینکٹڈپاکستان کے مقصد کو سمجھنے کے لئے قابلِ شےئر درست انفرااسٹرکچر کی تعمیر ضروری ہے۔ پی ٹی سی ایل جیسے اہم ٹیلی کمیونیکیشن گروپ کے ساتھ شراکت داری نے قوم کو اس مقصدکے بہت قریب کر دیا ہے ۔ پی ٹی سی ایل اور یوفون کے ملک بھر میں وسیع پیمانے پرموجودگی ، ہمیں اس قابل بناتی ہے کہ ہم ایسے جدید سلوشنزمتعارف کروائیں ، جو ملک کہ مختلف علاقوں میں نیٹ ورک کی کوریج اور صلاحیت میں مزید اضافہ کریں گے ۔آج کے دور میں دیٹاکی ضرورت کو سمجھتے ہوئے ، ہمیں مستقبل کے لیے توسیع پذیز ٹیکنالوجی متعارف کروانے کی بنیاد رکھنی ہو گی ۔ صنعت کے اہم اداروں کے ساتھ شراکت داری ہمیشہ سے ہی ہماری حکمت عملی رہی ہے اور ہم اس شراکت داری کو ڈیجیٹل پاکستان کے خواب کی تکمیل کی طرف ایک قدم سمجھتے ہیں۔ ‘‘یہ شراکت داری پاکستان کو 5G دور کے لئے ٹیلی کمیونیکیشن کے بین الاقوامی انفراسٹرکچر کی جانب گامزن کرے گی ۔

loading…





Source link

Leave a Reply

Your email address will not be published. Required fields are marked *